欧倩怡首回应前夫郭晋安庄子璇传父女恋：我都唔理解

来源：淘生活问答时间：2025-06-24 16:06

Cindy欧倩怡近排忙于为HOY TV拍摄《健康关注组》，以营养师身份同大家分享健康嘅资讯，解答观众嘅疑问。对于前夫郭晋安传出新恋情亦首次作出回应。

近日疯传现年60岁郭晋安与23岁港姐庄子璇发展“父女恋”。

两人宣布结束18年婚姻已有一段时间，但两人嘅一举一动依然备受关注，好似安仔同细佢37年嘅选美冠军庄子璇传出恋情，Cindy自然是被追问嘅对象：“我系无留意新闻嘅，因为最近都系忙紧其他嘢，所以我都唔理解发生咩事，唔系咁方便去评论。”始终两人都育有一子一女，未知两个子女有否提过爸爸嘅绯闻呢？“咁又无㖞，我同仔女之间嘅沟通都系围住吃喝玩乐。”若对方真的有新恋情，佢会否送上祝福呢？“呢件事如果真系发生，大家就会知道我嘅反应啦。”

欧倩怡回复单身后忙于工作，对前夫郭晋安传出与庄子璇发展父女恋首作回应。

呢日同厂录影嘅仲有朱智贤同吴云甫，朱朱早前因爱犬离世心情久久未能平伏，直至最近才整理好心情重新上载短片，只见片中佢不断饮泣，仲有爆喊嘅场面：“过去嘅一段间，情绪系有啲问题，好难去创作，原来真系咩都谂唔到，我都好想拍，但完全拍唔到任何嘢，就叫自己放慢脚步，休养一下，因为狗狗过身，我真系好难过，一直都无做任何网上创作，直至最近终于收拾心情，重新出发，突然又有灵感，又可以拍片，我发现自己好钟意剪片。”拍档吴云甫立即邀请佢帮手剪片，因自己拍咗好多运动教学片，但最怕就系剪片。问到朱朱推出嘅短片以同居为题，全程有人帮佢拍摄，莫非佢已揾到新欢？“我嘅片一向都系讨论两性关系，讲男女朋友，因为我觉得大家钟意睇呢个题材，大家都感同身受。其实攞摄影机嘅系我工人姐姐，所以大家唔驶唔会，我系保持开放态度，大家放心追我啦，哈哈﹗”